Hörmətli cənab Prezident !
Xahiş edirəm Azərbaycanın milli bayramı - Respublika Günü münasibətilə təbriklərimi qəbul edin. Litva xalqı adından və şəxsən öz adımdan Sizə cansağlığı, xoşbəxtlik və rifah arzulayıram.
Ümid edirəm ki, Litva ilə Azərbaycan arasında iqtisadi, mədəni, enerji, siyasi və sosial sahələrdə mövcud müsbət və praqmatik əlaqələr daim genişlənəcəkdir. Qəti əminəm ki, ikitərəfli əlaqələrimiz nəinki Litva və Azərbaycan xalqlarının təhlükəsizliyi və rifahını möhkəmləndirməyə kömək edəcəkdir, həmçinin Baltik dənizindən Xəzər dənizinədək bütün regionda əməkdaşlığı genişləndirməyə töhfə verəcəkdir.
Bir daha Respublika Günü münasibətilə təbriklərimi çatdırmaq istərdim.
Cənab Prezident, xahiş edirəm dərin ehtiramımı qəbul edin.
Xanım Dalya QRİBAUSKAYTE Litva Respublikasının Prezidenti

Zati-aliləri !
Azərbaycanın milli bayramı - Respublika Günü münasibətilə Sizi səmimi qəlbdən təbrik edir, şəxsən Sizə və Azərbaycan xalqına xoş arzularımı bildirir və firavanlıq diləyirəm.
V HARALD Norveç Kralı

Zati-aliləri !
Azərbaycanın milli bayramı - Respublika Günü münasibətilə Malta xalqı adından və şəxsən öz adımdan Zati-alinizə, eyni zamanda, Azərbaycan xalqına və hökumətinə ən səmimi təbriklərimi çatdırmaqdan məmnunam.
Fürsətdən istifadə edərək, zati-alinizə möhkəm cansağlığı və xalqınıza davamlı tərəqqi arzu edirəm. Əminəm ki, ölkələrimiz arasında mövcud olan gözəl əlaqələr xalqlarımızın rifahı naminə bundan sonra da möhkəmlənməkdə davam edəcəkdir.
Corc ABELA Malta Respublikasının Prezidenti

Zati-aliləri !
Şri-Lanka hökuməti və xalqı adından Azərbaycanın milli bayramı - Respublika Günü münasibətilə Sizə, Azərbaycan xalqına və hökumətinə ən səmimi təbriklərimi çatdırmaqdan məmnunam.
Ümid edirəm ki, ölkələrimiz arasında mövcud dostluq əlaqələri və sıx əməkdaşlıq bundan sonrakı illərdə də möhkəmlənəcəkdir.
Zati-aliləri, Sizə möhkəm cansağlığı və xoşbəxtlik, Azərbaycan xalqına davamlı tərəqqi və rifah arzu edirəm.
Mahinda RACAPAKSA Şri-Lanka Demokratik Sosialist Respublikasının Prezidenti

Hörmətli İlham Heydər oğlu !
Dost ölkənizin milli bayramı münasibətilə şəxsən öz adımdan və Liviya xalqı adından Sizə ən səmimi təbriklərimi və arzularımı yetirmək mənim üçün xoşdur.
Sizə cansağlığı və səadət, dost Azərbaycan xalqına isə tərəqqi və çiçəklənmə arzulayıram.
Mustafa ABDULCƏLİL Liviya Milli Keçid Şurasının sədri

Möhtərəm Prezident !
Birləşmiş Ərəb Əmirliklərinin xalqı, hökuməti adından və şəxsən öz adımdan Azərbaycanın milli bayramı - Respublika Günü münasibətilə Zati-alilərinizə ən səmimi salamlarımı və təbriklərimi çatdırıram.
Zati-alilərinizə xoşbəxtlik və Azərbaycanın qardaş xalqına sülh və firavanlıq arzulayıram.
Hörmətlə,
Məhəmməd bin Rəşid Əl MAKTUM Birləşmiş Ərəb Əmirliklərinin vitse-prezidenti, Baş naziri və Dubay hökmdarı

Çox hörmətli İlham Heydər oğlu !
MDB iştirakçısı olan dövlətlərin Parlamentlərarası Assambleya Şurası adından Azərbaycanın milli bayramı - Respublika Günü münasibətilə təbriklərimizi qəbul edin.
Cənab Prezident, Sizə - görkəmli dövlət xadimi və siyasi xadimə möhkəm cansağlığı, xoşbəxtlik, sülh, Azərbaycan Respublikasının firavanlığı və səadəti naminə nəcib fəaliyyətinizdə uğurlar diləyirik.
Hörmətlə,
A.SERGEYEV MDB Parlamentlərarası Assambleyasının baş katibi

Çox hörmətli İlham Heydər oğlu !
İcazə verin, Sizi dövlət bayramı - Respublika Günü münasibətilə təbrik edim.
Xahiş edirəm, mənim ən xoş arzularımı, yüksək dövləti fəaliyyətinizdə uğur, Azərbaycanın hərtərəfli inkişafı və çiçəklənməsi naminə zəfər diləklərimi qəbul edin.
Dərin hörmətlə,
Tatyana ANODİNA Dövlətlərarası Aviasiya Komitəsinin sədri