Hörmətli cənab Prezident!
Ölkənizin Respublika Günü - 28 May münasibətilə Amerika xalqı adından Sizi və Azərbaycan vətəndaşlarını təbrik edirəm.
Qlobal hədələrə qarşı mübarizənin aparılması, regional sabitliyin gücləndirilməsi və ümumi təhlükəsizlik problemlərinin aradan qaldırılmasında ölkələrimiz arasındakı tərəfdaşlıqdan qürur hissi duyuram. Əməkdaşlıq üçün yeni imkanları inkişaf etdirdiyimiz bir anda gələn aylar və illər ərzində həmin tərəfdaşlığın dərinləşməsini səmimiyyətlə arzulayıram. Birləşmiş Ştatlar Azərbaycan hökuməti və xalqı ilə möhkəm münasibətləri yüksək dəyərləndirir və həm öz regionunda, həm dünyada sabitliyə töhfə verən çiçəklənən və demokratik dövlət kimi Azərbaycanın suverenliyi və inkişafına sadiq olaraq qalır.
Milli bayramınız münasibətilə Sizə və Azərbaycan xalqına ən xoş arzularımı çatdırıram.

Səmimiyyətlə,
Barak OBAMA Amerika Birləşmiş Ştatlarının Prezidenti
25 may 2010-cu il