Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Milli bayramınız münasibətilə İtaliya xalqı adından və şəxsən öz adımdan ən səmimi arzuları ifadə edərək, Azərbaycan xalqına sülh və əmin-amanlıq diləməkdən məmnunam.
Son aylar ərzində siyasi səviyyədə keçirilmiş yekun görüşlərin müsbət nəticəsindən göründüyü kimi, İtaliya ilə Azərbaycan arasında əməkdaşlıq daha da genişlənmişdir. Sıx əməkdaşlığımız sayəsində aramızda möhkəm dostluq əlaqələri, ümumi dəyərlər, qarşılıqlı iqtisadi maraqlar formalaşmışdır.
İkitərəfli münasibətlərin daha da inkişaf etməsini, eləcə də ölkənizin Avropa İttifaqı ilə əlaqələrinin daha geniş vüsət almasını arzulayaraq, şəxsən Sizə və xalqınıza səmimi qəlbdən rifah diləyirəm.
Ciorcio NAPOLİTANO İtaliya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
Milli bayramınız - Azərbaycan Xalq Cümhuriyyətinin elan edilməsinin 92-ci ildönümü münasibətilə səmimi təbriklərimi qəbul edin.
Bu əlamətdar gün Azərbaycan tarixinə əbədi daxil olmuş, Azərbaycan xalqının həyatında yeni dövrün təməlini qoymuş və onun milli dirçəlişə, mənəvi azadlığa, iqtisadi tərəqqiyə, mədəni yüksəlişə yönəlmiş çoxəsrlik istəklərini möhkəmlətmişdir.
Dövlətlərimiz arasında dostluğun və əməkdaşlığın inkişafına Sizin şəxsi töhfənizi yüksək qiymətləndirərək əmin olduğumu bildirmək istəyirəm ki, Ukrayna ilə Azərbaycan arasında qarşılıqlı etimad və dəstək prinsiplərinə əsaslanan münasibətlər bundan sonra da strateji tərəfdaşlıq ruhunda inkişaf edəcəkdir.
Hörmətli İlham Heydər oğlu, Sizə möhkəm cansağlığı, ali dövləti fəaliyyətinizdə uğurlar, dost Azərbaycan xalqına isə sülh, əmin-amanlıq və firavanlıq arzulayıram.
Ukraynanın Azərbaycan ilə strateji tərəfdaşlıq münasibətlərini dərinləşdirmək əzmini təsdiqləyərək ümid edirəm ki, dövlətlərimizin gələcək qarşılıqlı fəaliyyətinin perspektivlərini Sizinlə ən yaxın vaxtlarda müzakirə etməyə imkanım olacaqdır. Bununla əlaqədar, Sizin üçün münasib vaxtda Sizi Kiyevə səfərə dəvət edirəm.
Hörmətlə,
Viktor YANUKOVİÇ Ukraynanın Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
İcazə verin Sizi və Sizin şəxsinizdə dost Azərbaycan xalqını milli bayramınız - Respublika Günü münasibətilə ürəkdən təbrik edim. Sizin rəhbərliyiniz altında həyata keçirilən, hərtərəfli düşünülmüş quruculuq siyasətinin uğurları barədə Özbəkistanda yaxşı bilirlər. Bu siyasət sayəsində Azərbaycan həqiqətən genişmiqyaslı sosial-iqtisadi dəyişikliklərin ardıcıl həyata keçirilməsi və beynəlxalq aləmdə nüfuzunun daha da yüksəlməsi yolu ilə inamla irəliləyir.
İnanıram ki, Özbəkistan ilə Azərbaycan arasında ənənəvi dostluq münasibətləri və qarşılıqlı faydalı əməkdaşlıq bizim yaxın xalqlarımızın mənafeyi naminə bundan sonra da uğurla inkişaf edəcəkdir.
Hörmətli İlham Heydər oğlu, fürsətdən istifadə edib Sizə möhkəm cansağlığı və işinizdə uğurlar, Azərbaycan xalqına isə sülh, əmin-amanlıq və firavanlıq arzu edirəm.
Hörmətlə,
İslam KƏRİMOV Özbəkistan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
Belarus Respublikasının xalqı adından və şəxsən öz adımdan Sizi və ölkənizin xalqını Azərbaycanın milli bayramı - Respublika Günü münasibətilə ürəkdən təbrik edirəm.
Əminəm ki, fəal Belarus-Azərbaycan dialoqunu davam etdirmək üçün mövcud qarşılıqlı səylərimiz iki dövlətin hərtərəfli əməkdaşlığını daha da inkişaf etdirmək üçün möhkəm zəmin olacaqdır.
Hörmətli İlham Heydər oğlu, Sizə səmimi qəlbdən möhkəm cansağlığı və bütün Azərbaycan xalqı üçün davamlı sülhün və tərəqqinin təmin edilməsi işində yeni uğurlar diləyirəm.
Hörmətlə,
Aleksandr LUKAŞENKO Belarus Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
Ölkənizin milli bayramının ildönümü münasibətilə Sizə və Sizin şəxsinizdə dost Azərbaycan xalqına böyük məmnuniyyətlə öz təbriklərimi çatdırıram.
Əmin olduğumu bildirirəm ki, biz ümumi səylərimizlə iki xalqın və dövlətin əsaslı mənafelərinə uyğun olan qarşılıqlı faydalı Tacikistan-Azərbaycan əməkdaşlığının intensivliyini və dinamizmini daha da artıra biləcəyik. Biz bunun üçün zəruri səy göstərmək əzmindəyik.
Hörmətli İlham Heydər oğlu, icazə verin, Sizə möhkəm cansağlığı və uğurlar, Azərbaycan xalqına isə əmin-amanlıq və firavanlıq diləyim.
Hörmətlə,
Emoməli RƏHMON Tacikistan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Azərbaycan Respublikasının milli bayramı - Respublika Günü münasibətilə Sizi ürəkdən təbrik etməyi özümə şərəf sayıram və bundan çox məmnunam.
Əmin olduğumu bildirirəm ki, Moldova Respublikası ilə Azərbaycan Respublikası arasında mövcud səmimi dostluq münasibətləri ölkələrimizin və xalqlarımızın rifahı və tərəqqisi naminə bundan sonra da genişlənəcək və dərinləşəcəkdir.
Hörmətli cənab Prezident, icazə verin, Sizə möhkəm cansağlığı və ali dövləti fəaliyyətinizdə yeni uğurlar diləyim və Sizə çox yüksək hörmət bəslədiyimə Sizi əmin edim.
Hörmətlə,
Mixay QİMPU Moldova Respublikasının Prezidenti vəzifəsini icra edən

Azərbaycan Respublikasının Prezidenti zati-aliləri cənab İlham Əliyevə
Hörmətli cənab Prezident!
Azərbaycan Respublikasının milli bayramı münasibətilə Sizə macar xalqı adından və öz adımdan səmimi təbriklərimi çatdırmaq istərdim.
Macarıstan Respublikası ölkəniz tərəfindən Cənubi Qafqazda sabit və təhlükəsiz ətraf mühitin yaranması, həmçinin Avropa və Avratlantik strukturlarına daha yaxın olmaq üçün göstərilən səyləri böyük maraqla izləyir.
Macarıstan Azərbaycan ilə ikitərəfli əlaqələrin inkişafında və bu qarşılıqlı faydalı əməkdaşlığa yeni formaların əlavə edilməsində maraqlıdır.
Cənab Prezident, fürsətdən istifadə edərək Sizə öz dərin ehtiramımı bildirirəm.
Laslo ŞOYOM Macarıstan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli cənab Prezident!
Sizi ölkənizin milli bayramı - Respublika Günü münasibətilə öz adımdan və bolqar xalqı adından səmimi qəlbdən təbrik edirəm.
Bu xoş fürsətdən istifadə edərək Sizə bildirirəm ki, Bolqarıstan Respublikası ilə Azərbaycan Respublikası arasında yüksək səviyyədə olan siyasi dialoq gələcəkdə də davam edəcək və iki dost ölkə arasında əməkdaşlıq ruhunda daha da inkişaf etdiriləcəkdir.
Əminəm ki, Bolqarıstan-Azərbaycan əlaqələrində fəal və səmərəli ikitərəfli əməkdaşlıq bundan sonra da iki xalqın rifahı, regional təhlükəsizliyin möhkəmlənməsi və Ümumavropa birliyinin gələcəyi naminə davam etdiriləcəkdir.
Hörmətli cənab Prezident, Sizə möhkəm cansağlığı, xoşbəxtlik və müvəffəqiyyət arzulayır, bir daha öz yüksək ehtiramımı bildirirəm.
Georgi PIRVANOV Bolqarıstan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
İcazə verin ölkənizin milli bayramı - Respublika Günü münasibətilə Sizi səmimi qəlbdən təbrik edim.
Məmnunam ki, Azərbaycan ilə Çexiya arasında mövcud olan əla münasibətlər dinamik formada inkişaf edir.
Çexiya Respublikası ölkənizi mühüm tərəfdaş hesab edir, qarşılıqlı surətdə faydalı əlaqələri və siyasi dialoqu inkişaf etdirməkdə maraqlıdır. Əminəm ki, ölkələrimiz arasında münasibətlər daha da möhkəmlənəcək və genişlənəcəkdir.
Ən dərin hörmət və ehtiramımı qəbul etməyinizi xahiş edirəm.
Vatslav KLAUS Çexiya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli Prezident İlham Əliyev!
Azərbaycan Respublikasının milli günü münasibətilə Serbiya Respublikasının vətəndaşları adından və şəxsən öz adımdan səmimi təbriklərimi çatdırmaq istəyir, ən xoş arzularla ölkənizə inkişaf, vətəndaşlarınıza isə rifah diləyirəm.
Fürsətdən istifadə edərək, Azərbaycan Respublikasına bu yaxınlarda etdiyim rəsmi səfər zamanı mənə və məni müşayiət edən nümayəndə heyətinə göstərilmiş səmimi qonaqpərvərliyə görə minnətdarlığımı bildirmək istəyirəm. Əminəm ki, ölkələrimiz arasında münasibətlər gələcəkdə də inkişaf edəcək və səfərim çərçivəsində çoxsaylı razılaşmalar timsalında əməkdaşlığımızın bütün formaları daha da güclənəcəkdir.
Cənab Prezident, ən dərin hörmət və ehtiramımı qəbul etməyinizi xahiş edirəm.
Boris TADİÇ Serbiya Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Azərbaycan Respublikasının milli bayramı - Respublika Günü İsveçrə Federal Şurası adından və şəxsən öz adımdan zati-alinizə ən səmimi təbriklərimi çatdırmaq, Sizə cansağlığı və xoşbəxtlik, ölkənizə rifah arzulamaq üçün ən xoş fürsətdir.
Əminəm ki, ölkələrimiz arasında dostluq və əməkdaşlıq əlaqələri gələcəkdə də güclənəcəkdir.
Doris LEUTHARD İsveçrə Konfederasiyasının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli cənab Prezident!
Ölkənizin milli bayramı - Respublika Günü münasibətilə zati-alinizə ən səmimi təbriklərimi çatdırır, Azərbaycan xalqına əmin-amanlıq arzulayıram.
BEATRİKS Niderlandın Kraliçası

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Respublika Gününüz münasibətilə səmimi təbriklərimi çatdırır, ən xoş arzularla şəxsən Sizə və Azərbaycan xalqına rifah və əmin-amanlıq diləyirəm.
V HARALD Norveçin Kralı

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Azərbaycan Respublikasının milli bayramı - Respublika Günü münasibətilə Sizə səmimi təbrikimi çatdırmaqdan xüsusi məmnunluq duyuram. Bu fürsətdən məmnuniyyətlə istifadə edərək Sizə şəxsi əmin-amanlıq, Azərbaycan xalqına xoşbəxt gələcək dolu ən gözəl arzularımı çatdırıram.
Haynts FİŞER Avstriya Respublikasının Federal Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli Prezident!
Azərbaycan Respublikasının milli bayram sevincinə mənim və Əlcəzair xalqının şərik olmasından və səmimi təbriklərimlə birlikdə dost Azərbaycan xalqına rifah və daimi firavanlıq arzularımı yetirməkdən məmnunluq duyuram.
Ölkənizin tarixində əhəmiyyətli bir yer tutan bu günün anılması mənə imkan yaradır ki, ölkələrimiz arasındakı dostluq və əməkdaşlıq əlaqələrinin Sizinlə birlikdə inkişaf etdirilməsi səylərinə uyğun olduğunu təkrar bildirim.
Hörmətlə,
Əbdüləziz BUTEFLİKA Əlcəzair Xalq Demokratik Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Azərbaycanın Respublika günü kimi xoş münasibətlə zati-alinizə ən səmimi təbriklərimi çatdırmaqdan olduqca məmnunam.
Qətiyyətlə inanıram ki, iki qardaş ölkə arasında illər boyu inkişaf etdirdiyimiz çox yaxşı ikitərəfli münasibətlər gələcəkdə xalqlarımızın qarşılıqlı rifahı naminə daha da möhkəmlənəcəkdir.
Zati-aliləri, ən xoş arzularla Sizə möhkəm cansağlığı, rifah, Azərbaycan Respublikasının qardaş xalqına isə davamlı sülh, tərəqqi və əmin-amanlıq diləyirəm.
Zillur RƏHMAN Banqladeş Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Zati-aliləri!
Respublika Günü münasibətilə Meksika xalqı və hökumətinin Sizə ən səmimi arzularını çatdırıram.
İnanıram ki, bizim xalqları və hökumətlərimizi birləşdirən ənənəvi dostluq əlaqələri əməkdaşlığımızın inkişafı və genişləndirilməsi üçün imkanlar yaradır.
Səmimi salamlarımı və ən yüksək ehtiramımı qəbul edin.
Felipe Kalderon İNOXOSA Meksika Birləşmiş Ştatlarının Prezidenti

Azərbaycan Respublikasının Prezidenti zati-aliləri cənab İlham Əliyevə
Hörmətli Prezident!
Azərbaycan Respublikasının milli bayramı - Respublika Günü münasibətilə zati-alinizə səmimi təbriklərimi çatdırmaq istəyirəm və Sizə ən xoş arzularla cansağlığı və xoşbəxtlik, ölkənizə və xalqınıza isə tərəqqi və firavanlıq diləyirəm.
Bhumibol ADULYADEJ Tailandın Kralı

Azərbaycan Respublikasının Prezidenti zati-aliləri cənab İlham Əliyevə
Hörmətli Prezident!
Azərbaycan Respublikasının milli bayramı - Respublika Günü münasibətilə zati-alinizi və dəyərli şəxsinizdə qardaş Azərbaycan xalqını şəxsən öz adımdan və Kipr türk xalqı adından səmimi qəlbdən təbrik edir, ən xoş arzularımı və dərin ehtiramımı bildirirəm.
Dərviş ƏROĞLU Şimali Kipr xalqının lideri

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
Dost Azərbaycan Respublikasının milli bayramı münasibətilə zati-alinizə öz səmimi salamlarımı və təbriklərimi bildirməkdən məmnunluq duyuram.
Fürsətdən istifadə edib Sizə möhkəm cansağlığı və səadət, dost Azərbaycan xalqına tərəqqi və firavanlıq arzulayıram.
Səmimi salamlarla,
Nəvvaf əl-Əhməd əl-Cabir əs-SƏBAH Küveyt Dövlətinin Vəliəhdi

Azərbaycan Respublikasının Prezidenti zati-aliləri cənab İlham Əliyevə
Hörmətli İlham Heydər oğlu!
Milli bayramınız - Respublika Günü münasibətilə Dağıstan xalqı adından və şəxsən öz adımdan Sizə və bütün Azərbaycan xalqına səmimi təbriklərimi çatdırıram. Dağıstan ilə Azərbaycanı tarixən yaranmış, xalqlarımızın ortaq tarixi talelərinə və qarşılıqlı etimada, mədəni və sosial-iqtisadi əlaqələrin zəngin təcrübəsinə əsaslanan möhkəm dostluq və mehriban qonşuluq ənənələri bağlayır.
Əminəm ki, Dağıstan-Azərbaycan dostluğunun və əməkdaşlığının möhkəmlənməsi naminə səylərimizi bundan sonra da artıracağıq.
Hörmətli İlham Heydər oğlu, bu əlamətdar gündə Sizə möhkəm cansağlığı, işinizdə uğurlar, qardaş Azərbaycan xalqına firavanlıq və əmin-amanlıq arzulayıram.
Hörmətlə,
Maqomedsalam MAQOMEDOV Rusiya Federasiyası Dağıstan Respublikasının Prezidenti

Azərbaycan Respublikasının Prezidenti zati-aliləri cənab İlham Əliyevə
Zati-aliləri, çox hörmətli İlham Heydər oğlu!
Sizi və bütün Azərbaycan xalqını Azərbaycan dövlətçiliyinin bərpa edilməsi günü münasibətilə ürəkdən təbrik edirəm.
Milli həmrəylik, azadlıq və birlik idealları respublikanın həyatının qurulmasının əsasını təşkil etmişdir. Ölkəniz öz gələcəyini tarixin sınaqlarından çıxmış cəmiyyətin formalaşması prinsiplərinin möhkəm təməli üzərində qurmaqla bərabər, Avropa dövlətləri üçün oriyentir olan mədəni-siyasi dəyərlərdən də fəal istifadə edir.
Azərbaycan xalqının yaddaşında əcdadların zəngin mənəvi təcrübəsi və mədəni adətləri iz qoymuşdur. Sevindirici haldır ki, ölkə rəhbərliyi müxtəlif dinlərin davamçılarının dinc yanaşı yaşaması sahəsində çoxəsrlik ənənələri müdrikliklə qoruyub saxlayır. Bir ay bundan əvvəl dini liderlərin dünya sammitində Sizin fəal iştirakınız buna parlaq sübut oldu. Bu sammitin uğurlu işi çox cəhətdən respublika hökuməti tərəfindən dəstəyin nəticəsi idi.
Sizə və yaxınlarınıza səmimi qəlbdən cansağlığı və uğurlar, Azərbaycan xalqına isə sülh, əmin-amanlıq və firavanlıq arzulayıram.
Dərin hörmətlə,
KİRİLL Moskvanın və Bütün Rusiyanın Patriarxı

Azərbaycan Respublikasının Prezidenti zati-aliləri cənab İlham Əliyevə
Çox hörmətli İlham Heydər oğlu!
Sizi milli bayramınız -Respublika Günü münasibətilə ürəkdən təbrik edirəm.
Moskva Vilayəti ilə Azərbaycan Respublikası arasında yaranmış dostluq və qarşılıqlı anlaşma münasibətləri bütün sahələrdə səmərəli və qarşılıqlı faydalı əməkdaşlığın əsasına çevrilmişdir.
Çox hörmətli İlham Heydər oğlu, Sizə cansağlığı və xoşbəxtlik, dost Azərbaycan xalqına isə əmin-amanlıq və firavanlıq diləyirəm.
Hörmətlə,
Boris QROMOV Moskva Vilayətinin Qubernatoru

Azərbaycan Respublikasının Prezidenti zati-aliləri cənab İlham Əliyevə
Çox hörmətli İlham Heydər oğlu!
Milli bayramınız - Azərbaycan Respublikası Günü münasibətilə səmimi təbriklərimi qəbul edin.
Dövlətçiliyin bərpa edilməsi sayəsində Azərbaycan iqtisadi, sosial və mədəni inkişafda çox sanballı nəticələr əldə etməyə, dünya birliyinin hörmətini və Müstəqil Dövlətlər Birliyində haqlı nüfuz qazanmağa nail olmuşdur.
İnanıram ki, Azərbaycan Respublikasının və MDB iştirakçısı olan dövlətlərin çoxşaxəli qarşılıqlı fəaliyyətinin daha da genişləndirilməsi iqtisadi, elmi-texniki, sosial yönümlü bir sıra ümumdövlət proqramlarının həllinə imkan yaradacaqdır.
MDB çərçivəsində inteqrasiyanın inkişafı məsələlərinin həllində qarşılıqlı anlaşmaya və Sizin dəstəyinizə ümid bəslədiyimi bildirirəm.
Çox hörmətli İlham Heydər oğlu, bu bayram günündə Sizə möhkəm cansağlığı və firavanlıq, bütün Azərbaycan xalqına sülh və tərəqqi diləyirəm.
Dərin hörmətlə,
Sergey LEBEDEV MDB İcraiyyə Komitəsinin sədri - icraçı katib

Azərbaycan Respublikasının Prezidenti zati-aliləri cənab İlham Əliyevə
Çox hörmətli İlham Heydər oğlu!
MDB iştirakçısı olan dövlətlərin Parlamentlərarası Assambleyasının Şurası adından Sizi və bütün Azərbaycan xalqını milli bayramınız - Respublika Günü münasibətilə ürəkdən təbrik edirik.
Cənab Prezident, Sizə - görkəmli dövlət xadiminə və siyasi xadimə möhkəm cansağlığı, xoşbəxtlik, Azərbaycan Respublikasının firavanlığı və tərəqqisi, Birlik ölkələrinin əməkdaşlığının möhkəmlənməsi işində uğurlar diləyirik.
Səmimi hörmətlə,
Mixail KROTOV MDB Parlamentlərarası Assambleyası Şurasının baş katibi

Azərbaycan Respublikasının Prezidenti zati-aliləri cənab İlham Əliyevə
Çox hörmətli İlham Heydər oğlu!
İcazə verin, Sizi dövlət bayramınız - Respublika Günü münasibətilə ürəkdən təbrik edim. Sizə ən xoş arzularımı, yüksək dövləti vəzifənizdə uğurlar, Azərbaycanın hərtərəfli inkişafı və tərəqqisi naminə zəfərlər diləyimi qəbul etməyinizi xahiş edirəm.
Diqqətinizə və dəstəyinizə görə minnətdarlıq hissi ilə dərin hörmətlə,
Tatyana ANODİNA Dövlətlərarası Aviasiya Komitəsinin sədri