“Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi “Xocalıya ədalət” kampaniyası çərçivəsində Ermənistan-Azərbaycan, Dağlıq Qarabağ münaqişəsi ilə bağlı həqiqətlərin dünya ictimaiyyətinə çatdırılması, Xocalı soyqırımına lazımi hüquqi qiymətin verilməsi məqsədi ilə sosial şəbəkələrdə təbliğat kampaniyasına başlamışdır.

İctimai Birliyin mətbuat xidmətindən AzərTAc-a bildirmişlər ki, aksiyada istər ölkə daxilində, istərsə də xaricdə yaşayan gənclərimizin fəal iştirakı nəzərdə tutulmuşdur. Bununla əlaqədar,  “Azərbaycan Respublikası Dağlıq Qarabağ Bölgəsinin Azərbaycanlı İcması” İctimai Birliyi ölkədə fəaliyyət göstərən gənclər təşkilatları ilə, eləcə də fəal gənclərlə mövzu ətrafında müzakirələr təşkil edəcəklər.