Azərbaycan az bir vaxtda müasir və inkişaf edən ölkəyə çevrilib. Qısa müddətdə buna nail olmağı həqiqətən də möcüzə adlandırmaq olar. VI Qlobal Bakı Forumunun iştirakçıları bu fikirdədirlər. Onlar vurğulayırlar ki, bu forumu keçirməklə Azərbaycan yaxşı ənənənin əsasını qoyub.

Rumıniyanın sabiq Prezidenti Emil Konstantinesku VI Qlobal Bakı Forumu haqqında fikirlərini bölüşərkən bildirib: “ Mən altıncı dəfədir ki, bu forumda iştirak edirəm. VI Qlobal Bakı Forumunda mühüm məsələlər, dünyamiqyaslı və faydalı müzakirələr aparılır. Forum yüksək səviyyədə təşkil edilib, gənc və yaşlı nəsil arasında real dialoq yaradır. Hamımız daha yaxşı dünya, sülh və inkişaf arzusundayıq. Müzakirə olunan məsələlər təkcə elmi müstəvidə qalmamalıdır, tətbiq olunmalıdır.”

Ü.VAHİDQIZI,
“Xalq qəzeti”