“Bosniya və Herseqovina ilə Azərbaycan arasında tarixi əlaqələr var”.

Bunu APA-ya açıqlamasında Bosniya və Herseqovinanın sabiq baş naziri Zlatko Laqumciya deyib.

Z.Laqumciya bildirib ki, iki ölkənin paytaxt şəhərləri arasında əməkdaşlıq əlaqələri mövcuddur: “Müharibə başlanandan həmişə Azərbaycanın müstəqilliyinin dəstəklənməsinə çalışmışıq, Azərbaycanın yanında olmuşuq. Çünki biz oxşar problemləri bölüşürük və digər ölkələrin bizi başa düşdüyündən də artıq bir-birimizi yaxşı anlayırıq. Aydın məsələdir ki, Dağlıq Qarabağ münaqişəsi Azərbaycanın ərazi bütövlüyü çərçivəsində həll olunmalıdır”.

Son dövrdə iki ölkə arasında iqtisadi, mədəni sahədə əlaqələrin inkişaf etdiyini vurğulayan sabiq baş nazir deyib ki, Azərbaycan investorlarının Bosniyaya gəlişi gözlənilir. Belə səfərlər bir çox sahələrdə əməkdaşlıq üçün yeni səhifələr açır.