Prezident İlham Əliyevin iştirakı ilə jurnalistlər üçün istifadəyə verilmiş ikinci binada mənzillə təmin edilən jurnalistlərdən biri də uzun müddət xəbər aparıcısı kimi tanıdığımız, hazırda isə Azərbaycan Jurnalistlər Şəbəkəsi İctimai Birliyinin sədri, “Eurasia Diary” analitik portalının baş redaktoru Ayaz Mirzəyevdir.  Həmkarımız təəssüratlarını “Xalq qəzeti” ilə bölüşdü:

– Milli Mətbuat Günü ərəfəsində jurnalistlərə növbəti dəfə mənzillərin hədiyyə edilməsi ölkə rəhbərliyinin, cənab Prezident İlham Əliyevin  mətbuata verdiyi önəmin bariz nümunəsidir. Çox sevindirici haldır ki, mənzil alan jurnalistlər arasında dostlarımız və xeyli peşəkar həmkarımız var. Həm birinci binadan, həm də ikinci binadan mənzil alan xeyli sayda jurnalist  tanıyıram ki, həqiqətən öz həyatlarını mətbuata həsr etmiş  insanlardır və illərdir ki,   kirayədə  yaşayırdılar.  Bundan böyük xeyirxahlıq ola bilməz. İkiqat sevindirici oldu ki, QHT sahəsində çalışan jurnalistlərə də bu sevincdən pay düşdü.  İnsanların sevincinə şərik olmaq çox gözəldir. Həm jurnalist, həm də  QHT rəhbəri olaraq cənab Prezidentə  mediaya  verdiyi önəm və dəstəyinə görə təşəkkür edirəm. Mənzil alan həmkarlarıma isə  “Mübarəkdir!”  deyirəm.

Söhbəti təqdim etdi:
Əfsanə BAYRAMQIZI,
“Xalq qəzeti"