Mən bütün dünya azərbaycanlılarını həm Həmrəylik Günü, həm də Yeni il bayramı münasibətilə təbrik edirəm. Başda ölkə Prezidenti cənab İlham Əliyev olmaqla hər bir azərbaycanlıya xoş günlər, sevinc dolu günlər diləyirəm.
Azərbaycanın inkişafı, bütövlüyü uğrunda atdığı hər addımda möhtərəm Prezidentimizə uğurlar arzulayıram. Yola saldığımız ildə Heydər Əliyev Fondunun prezidenti, YUNESKO və İSESKO-nun xoşməramlı səfiri, Milli Məclisin deputatı Mehriban xanım Əliyevanın milli-mənəvi dəyərlərimizin qorunması, mədəniyyətimizin dünya miqyasında təbliği sahəsindəki fəaliyyəti çox uğurlu və yaddaqalan olmuşdur. Biz bu gözəl bayramlar münasibətilə Azərbaycanın birinci xanımını da təbrik edir, ona Yeni ildə də doğma Vətənimizin daha da çiçəklənməsi yolunda atacağı hər bir addımda uğurlar arzulayırıq. İnanırıq ki, möhtərəm Prezidentimizin həyata keçirdiyi düşünülmüş, məqsədyönlü siyasəti nəticəsində Azərbaycanın ərazi bütövlüyü təmin ediləcək, hamımızı narahat edən əsas problemlərin həllinə nail olacağıq. Ümid edirəm ki, Azərbaycan bu yüksəlişi 2011-ci ildə də davam etdirəcək, öz tarixinə yaddaqalan uğurlar həkk edəcək.
Dünya Azərbaycanlılarının Həmrəylik Günü və Yeni il bayramı münasibəti ilə hər bir azərbaycanlını təbrik edir, onların bir bayraq altında birləşməsini arzulayıram. Biz çoxuq. Bunu birliyimizlə nümayiş etdirməliyik.{nl}