2010-cu il artıq başa çatdı. Bu il xalqımız üçün, Azərbaycan üçün çox uğurlu illərdən biri oldu. Ölkəmizin sosial-iqtisadi həyatında böyük hadisələr baş verdi, beynəlxalq miqyasda Azərbaycanın imkanları, gücü daha da artdı.
2011-ci il Azərbaycan xalqı üçün hesab edirəm ki, daha uğurlu illərdən biri olacaq. Mən "Xalq qəzeti"nin bütün əməkdaşlarını, bu qəzet vasitəsi ilə oxucularını, Prezidentimiz İlham Əliyev başda olmaqla bütün Azərbaycan xalqını, dünyanın hər yerində məskunlaşmış 50 milyondan artıq azərbaycanlıları təbrik edir, onlara cansağlığı, uğurlar arzulayıram, doğma Vətənimiz - Azərbaycan naminə hamımızın vahid bir mövqedən çıxış etməsini arzu edirəm. Ümid edirəm ki, 2011-ci ildə də Azərbaycanın tarixinə yeni-yeni uğurlu səhifələr yazılacaq, beynəlxalq aləmdəki nüfuzu daha da yüksələcək. Son illər ölkəmizin yüksəlişi beynəlxalq aləmdə də yüksək qiymətləndirilir. İnanıram ki, bu yüksəliş öz tempini daha da artıracaq və 2011-ci ildə tarixi nailiyyətlərə imza atacağıq. Bayramınız mübarək!{nl}