Dünyanın aparıcı informasiya agentlikləri rəhbərlərinin Bakıda bir araya gələrək səmərəli fikir mübadiləsi aparması, daim dəyişən və inkişaf edən müasir medianın informasiya təminatında işinin təkmilləşdirilməsi ilə bağlı mövzuların müzakirəsi olduqca təqdirəlayiq haldır. Bu görüşlər işin səmərəliliyinin artmasına öz töhfəsini verir. Bu fikri  V Dünya Xəbər Agentlikləri Konqresində iştirak edən Beynəlxalq Qızıl Xaç Komitəsinin nümayəndəsi Veronika Vibornova bildirib. İlk dəfə Bakıda olduğunu qeyd edən qonaq  Azərbaycanın belə bir mötəbər beynəlxalq tədbiri yüksək səviyyədə təşkil etməsindən razılığını bildirib.

– İlk dəfədir ki, Azərbaycandayam. Ölkənizin belə bir tədbirə yüksək səviyyədə ev sahibliyi etməsini alqışlayıram. Maraqlı çıxışlar oldu. İnanıram ki, müzakirə edilən məsələlər tezliklə öz töhfəsini verəcək. Yeri gəlmişkən, Bakı çox gözəl şəhərdir. Moskva auditoriyasına şəhərinizin panoramasını, bulvarı, şəhərinizin ecazkar memarlığını göstərmək istərdim. Bütün həmvətənlərimə  Bakıya gəlməyi tövsiyə edirəm. 

Əfsanə BAYRAMQIZI, 
“Xalq qəzeti”