Vladimir Vasin, Rusiya Olimpiya Komitəsinin fəxri prezidenti: – Bakıda idmançılar üçün məişət şəraiti olimpiya standartlarına uyğundur. Burada müxtəlif ölkələrin nümayəndələri sərbəst şəkildə ünsiyyət qururlar. Rusiya atletləri isə, ümumiyyətlə, Azərbaycan paytaxtında özlərini evdəki kimi hiss edirlər. Onlar, demək olar, hər bir könüllü ilə rus dilində danışa bilirlər.

Vladimir Samsonov, Belarus Respublikasının stolüstü tennis komandasının lideri: – Məncə, Avropa Oyunlarının keçirilməsi əla ideyadır. Heç də hər ölkə Olimpiadanın təşkilini öz üzərinə götürə bilməz. İdmançılar və federasiyalar üçün belə turnirdə iştirak inkişafa aparan yolda böyük stimuldur. Bakıda böyük bayram təşkil olunub. Hələlik hər şey çox rahat və yaxşıdır, heç yerdə növbə yoxdur. Akkreditasiya, nəqliyyat və digər məsələlər çox tez həll olunur.

Oqtay BAYRAMOV,
“Xalq qəzeti”