Bir xalqı digərinə daha yaxından tanıtmaqda sərhədlər tanımayan mədəniyyətin rolu böyükdür. Bu mənada Reza Deqatinin sərgisinə tamaşa edən hər kəs Azərbaycan barədə müəyyən qədər məlumat əldə edə bilir.

Tanınmış fotoqraf Reza Deqatinin Parisdə açılan sərgisini ziyarət edən Bernar Terondan bunu AzərTAc-ın xüsusi müxbirinə müsahibəsində deyib.

O bildirib ki, Azərbaycanın birinci xanımı Mehriban Əliyevanın rəhbərlik etdiyi Heydər Əliyev Fondu ölkəni fransızlara yaxından tanıtmaq üçün xüsusi layihə həyata keçirir. Rezanın fotolarından ibarət sərgi də mən deyərdim həmin layihənin davamıdır. Ölkənizin təbiət mənzərələri, görməli yerləri, turizm imkanları, müxtəlif insan portretləri, mədəni dəyərləri ilə yanaşı, qədim və zəngin tarixə malik xalqınızın başına gətirilən faciələrin əks olunduğu əsərlər Azərbaycan haqqında müəyyən təsəvvürlər yaradır. 1990-cı ilin yanvar ayında öz   azadlığını tələb edən günahsız azərbaycanlılara sovet ordusunun tutduğu divan, ərazi iddiasında olan ermənilərin Xocalıda törətdikləri vəhşiliklər tarixin unudulmaz səhifələrindəndir.

Əsgər ƏLİYEV,
AzərTAc-ın xüsusi müxbiri

Paris