Bakıda keçirilən IV Beynəlxalq Humanitar Forumun iştirakçıları bu tədbirin xalqlar arasında dostluq və əməkdaşlığın daha da möhkəmləndirilməsində böyük rolu olduğunu bildirirlər. Forum iştirakçıları Azərbaycanın sürətlə inkişaf etdiyini, belə nüfuzlu tədbirləri yüksək səviyyədə keçirməyə qadir olduğunu vurğulayırlar.

Los-Anceles Beynəlxalq Münasibətlər Şurasının prezidenti və icraçı direktoru Terry McCarthy Bakıda keçirilən  forumdan məmnun qaldığını bildirərək dedi: “Belə nüfuzlu forumun təşkili və keçirilməsi o qədər də asan iş deyil. Ancaq mən Bakıda yüksək səviyyəli bir tədbirin keçirildiyinin şahidi oldum. Bu, ilk növbədə ölkənin iqtisadi  cəhətdən qüdrətli olmasından xəbər verir. Bu, Bakıda keçirilən dördüncü forumdur. Azərbaycan artıq bu sahədə böyük təcrübə qazanıb. Mən son illər Azərbaycanın inkişafı, beynəlxalq aləmə inteqrasiyası və digər ölkələrlə əməkdaşlığı ilə maraqlandım. Müşahidələrimə əsaslanaraq deyə bilərəm ki, Azərbaycan beynəlxalq aləmdə nüfuzu getdikcə artan ölkələrdəndir. Forumun yüksək səviyyədə təşkil olunması və keçirilməsi də bunu təsdiqləyir”.

Təqdim etdi: Əliqismət BƏDƏLOV,

 “Xalq qəzeti”