Bu sözləri Azərbaycanda keçirilən IV Bakı Beynəlxalq Humanitar Forumunun iştirakçısı, Türkiyə Jurnalistlər Birliyinin sədri Atilla Sertel “Xalq qəzeti”nin sualını cavablandırarkən dedi:

 —  Hər dəfə Azərbaycana gələndə burada gedən iqtisadi inkişafın şahidi oluruq. Ölkənizdə inşaat sektoru, neft sənayesi sürətlə inkişaf edir. Bunu Bakının müasir görünüşünə azacıq nəzər yetirməklə də müşahidə etmək olar. Qardaş Azərbaycanda gedən inkişafın şərhə ehtiyacı yoxdur. Siyasi cəhətdən də ölkəniz ayıq siyasət yürüdür. Çox həssas regionda yerləşirsiz. Bu baxımdan dövlətinizin aydın, belə dəqiq siyasət aparması vacibdir. Türkiyə ilə qardaşlıq, dostluq münasibətləri inkişaf edir. Lakin mən düşünürəm ki, bu müttəfiqlik,  qardaşlıq daha  da irəlidə olmalıdır. Bu gün bizim münasibətlərimizi gözü götürməyən kifayət qədər qüvvələr mövcuddur. Çalışmalıyıq ki, bütün sahələrdə əməkdaşlığı gücləndirək və münasibətlərimizin belə  inkişaf etməsini arzulamayan qüvvələrə heç bir şans verməyək.

Təqdim etdi: Anar TURAN