IV Bakı Beynəlxalq Humanitar Forumunun iştirakçıları belə bir mötəbər tədbirin ölkəmizdə keçirilməsini yüksək dəyərləndirir və bunu, ilk növbədə, Azərbaycanın  beynəlxalq aləmdə mövqelərinin getdikcə möhkəmlənməsi ilə əlaqələndirirlər. Forumun nümayəndələrindən biri, Fransanın İnalko Universitetinin professoru Mişel Bozdemir də tədbirin yüksək səviyyədə təşkil olunduğunu bildirdi.

Fransalı professor dedi ki, Bakı Beynəlxalq Humanitar Forumu ən geniş humanitar əməkdaşlıq məsələlərinin müzakirə edildiyi nüfuzlu bir məkandır. Onun qənaətinə görə, Beynəlxalq Humanitar Forumun Bakıda keçirilməsi heç də təsadüfi deyil. Azərbaycan mədəniyyətlər, sivilizasiyalar və konfessiyalar arasında zəngin əməkdaşlıq ənənələri olan bir dövlətdir.

M.Bozdemir belə forumların əhəmiyyətindən danışarkən  beynəlxalq səviyyəli tədbirlərin ölkələr arasında dostluq və əməkdaşlıq əlaqələrinin inkişafında xüsusi əhəmiyyət kəsb etdiyini vurğuladı.

Söhbəti qələmə aldı:

Əliqismət BƏDƏLOV, “Xalq qəzeti”