Bu sözləri Heydər Əliyev Fondunun təşkilatçılığı ilə keçirilən VI Qəbələ Beynəlxalq Musiqi Festivalının iştirakçısı, İsrail nəfəs alətləri kvintetinin üzvü Barak Yelvin AzərTAc-a müsahibəsində deyib.

Festivalın Heydər Əliyev Fondu tərəfindən yüksək səviyyədə təşkil olunduğunu vurğulayan B.Yelvin onun rəhbərliyi altında İsrail nəfəs alətləri kvintetinin Avropa və Rusiya bəstəkarlarının əsərlərindən parçalar səsləndirdiyini diqqətə çatdırıb.

İstedadlı musiqiçi, festivalın ərsəyə gəlməsində müstəsna xidmətləri olan Azərbaycanın birinci xanımı, Heydər Əliyev Fondunun prezidenti Mehriban Əliyevaya dərin minnətdarlığını bildirib.

Festivala dəvət edilərkən xoş hisslər keçirdiyini və bu möhtəşəm tədbirə həvəslə qatıldığını bildirən musiqiçi deyib: “Bu festivalda iştirakım Azərbaycan musiqisinin incilərini daha yaxından tanımaq baxımından çox vacibdir. Ümumiyyətlə, son illərdə Azərbaycan çox dəyişib, paytaxtınız, həmçinin Qəbələ gözəlləşib və daha da müasirləşib. Azərbaycan durmadan inkişaf edir. Buranın təbiəti, insanları çox xoşuma gəlir. Gələn il də bu festivalda böyük məmnuniyyətlə iştirak edəcəyəm. Qəbələ Beynəlxalq Musiqi Festivalı çərçivəsində ifamızı dinləyən yerli və xarici tamaşaçıların musiqi duyumundan da çox razıyam”.