Təhsil Nazirliyinin Azərbaycanda ali məktəblərin iki qrupa bölünərək adi və milli statusun verilməsi ilə bağlı təklifləri hazırlanır.

 APA-nın xəbərinə görə, təhsil nazirinin müavini Ceyhun Bayramov jurnalistlərə açıqlamasında bildirmişdir ki, həmin təkliflərdə bütün meyarlar müəyyənləşdiriləcək. Təkliflər hazırlanıb başa çatdırıldıqdan sonra hökumətə təqdim ediləcək.  Ali məktəblərə statusların verilməsinə dair Təhsil Nazirliyinin təklifinə hökumətdə baxıldıqdan sonra bununla bağlı son qərar veriləcək.

 Cari tədris ili üzrə Azərbaycanda doktoranturaya keçiriləcək qəbul imtahanları ilə bağlı suala cavabında nazir müavini yekun qərarın yaxın zamanlarda veriləcəyini bildirmişdir.