Mən çox sevinirəm ki, belə bir nüfuzlu beynəlxalq tədbirə dəvət olunmuşam. Azərbaycanın demokratik yolla yeni seçilmiş Prezidenti cənab İlham Əliyevin və onun rusiyalı həmkarı Prezident Vladimir Putinin təşəbbüsü ilə təşkil olunan bu forum müasir dövrdə xalqlar ıə dövlətlər arasında multikulturalizmin təbliği istiqamatində böyük əhəmiyyət kəsb edir.

 Ona görə ki, Bakıya çox nüfuzlu dövlət, mədəniyyət, incəsənət xadimləri təşrif buyurublar.  Burada çox məzmunlu, çox mənalı müzakirələr baş verir. Prezident İlham Əliyevin forumun açılış mərasimindəki dərin məzmunlu nitqi məni heyran etdi.

Mənim diqqətimi bir məqam da cəlb etdi. O da budur ki, Bakı forumu çox yüksək səviyyədə təşkil olunmuşdur. Xalqınız çox qonaqpərvərdir. Təşkilatçılar tədbirin uğurla keçməsi üçün ən incə məqamlara belə diqqət yetiriblər. 

Siz bilirsiniz ki, xalqlar arasında dostluq, açıq dialoq sülhə, tərəqqiyə aparan ən etibarlı yoldur. Azərbaycan iqtidarının məhz belə bir missiyanı öz üzərinə götürməsi təqdirəlayiqdir.

Mən ixtisasca hüquqşünasam. Amma 23 il Avstriya parlamentinin üzvü olaraq daha çox siyasətlə məşğul olmuşam.  Ölkənizin son illərdəki iqtisadi uğurları  barədə çox eşitmişdim.

Bakıda ilk dəfədir ki, oluram. Paytaxtın müasir arxitekturası məni valeh etdi. Mən Azərbaycanda beş gün qaldım. Forumun bir qrup nümayəndəsi ilə Qəbələ şəhərində oldum. Gördüm ki, Azərbaycanın regionları da çox sürətlə inkişaf edir.

M.HACIXANLI,
“Xalq qəzeti”