Azərbaycanda 9 oktyabr prezident seçkiləri sərbəst, ədalətli və şəffaf keçdi.

APA -nın məlumatına görə, bunu Avropa Parlamentinin üzvü Kristina Oyland Azərbaycanda prezident seçkilərinin yekunlarına dair keçirdiyi mətbuat konfransında bildirmişdir.

O, Azərbaycanda seçkilərlə bağlı tənqidi fikirlər bildirənləri obyektivliyə çağırmışdır: “Azərbaycan Finlandiya deyil. Hər bir ölkədə tarix,  ənənə fərqlidir. Azərbaycan bu seçkilərlə Avropaya inteqrasiya məqsədlərinə sadiq olduğunu bildirdi”.

K.Oyland qeyd etmişdir ki, Azərbaycandakı seçkiləri üçüncü dəfədir izləyir: “Əvvəlki seçkilərlə müqayisədə son seçkidə böyük irəliləyişlər var. Xüsusilə də seçkidə İKT ilə bağlı mühüm irəliləyişlər müşahidə olunmuşdur”.

K.Oyland vurğulamışdır ki, növbəti seçkilərdə də Azərbaycana gəlməyi planlaşdırır: “Seçkilər demokratiya yolunda mühüm addımdır”.