Əgər münaqişə yenidən hərbi xarakter alarsa, bütün regional infrastruktur hücum təhlükəsi altında qalacaq və bu, təkcə nəinki bölgədə, həm də bu bölgədən kənarda ciddi böhrana səbəb olacaq”.

APA-nın xəbərinə görə, bu sözləri Azərbaycanın NATO-dakı daimi nümayəndəsi Xəzər İbrahim deyib. O, bildirib ki, Azərbaycan və Gürcüstanın enerji infrastrukturuna təhlükə yaranması enerji ehtiyatlarının Qərbə nəqlinin müvəqqəti dayanmasına gətirib çıxara bilər, bu isə Avropada neft və qazın qiymətinin yüksəlməsinə və müvafiq olaraq ciddi böhrana gətirib səbəb ola bilər: “Avroatlantik Birlik Azərbaycanla təhlükəsizliyin təminatı sahəsində ciddi əməkdaşlıq etməli və Dağlıq Qarabağ münaqişəsinin həllinə töhfə verməlidir”.

 Diplomat regionda terror təhlükəsinin mövcudluğuna da diqqət çəkərək heç bir ölkənin bu təhlükədən sığortalanmadığını söyləyib. O, nəqliyyat infrastrukturunun təhlükəsizliyinin təminatına da diqqət yönəldib: “Bakı-Tbilisi-Qars dəmir yolu layihəsi Pekini Londonla birləşdirməyə çalışacaq. Bu dəmir yolunun regiondakı digər dəmir yolları ilə bərabər istifadəsi mahiyyət etibarilə Böyük İpək yolunun dirçəldilməsi mənasına gəlir. Dağlıq Qarabağ münaqişəsinin alovlanması bu istiqamətdə də əlavə maneələr yarada bilər”.