Akademik Cəlal Əliyevin 85 illiyinə həsr olunmuş “Cəlal Əliyev: Davamlı inkişaf üçün fotosintez tədqiqatları–2013” beynəlxalq konfransı Azərbaycan elminin təbliğində və onun dünya elmi sahəsinə inteqrasiyasında  mühüm rol oynayır.

Azərbaycan dünyanın enerji paytaxtına çevrilir, burada ənənəvi enerji növləri - neft və qaz, həmçinin alternativ və bərpa olunan enerji mənbələri vardır. Ölkədə bu sahənin inkişafı üçün hər cür şərait vardır.

Bu barədə AzərTAc-ın müxbiri ilə müsahibəsində Pensilvaniyada Molekulyar biofizika üzrə Conson Fondunun direktoru, Filadelfiya Universitetinin professoru Lesli Daton bildirmişdir.

Lesli Daton qeyd etmişdir ki, Cəlal Əliyev öz sahəsində aparıcı tədqiqatçıdır. Cəlal Əliyevin tədqiqatları bütün dünya üçün əhəmiyyətli tədqiqatlardır.

Lesli Daton demişdir ki, bu gün bu tədbirdə iştirak etməsindən çox məmnundur. Konfransın yaxşı təşkili isə göstərir ki, Azərbaycan hökuməti elmin inkişafı və elmi tədqiqatlar üçün hər cür şərait yaradır.

Lesli Daton qeyd etmişdir ki, Bakının mühüm dünya məsələlərini müzakirə etmək üçün müxtəlif alimlərin, ekspertlərin toplaşdığı dünya mərkəzinə çevrilməsinin şahidi olmaqdan çox razıdır.