Azərbaycan çox gözəl ölkədir. Ölkənizdə olmaqdan çox məmnunam. Burada gördüyüm insanların səmimiliyi, ümumiyyətlə xalqınızın qonaqpərvərliyi məndə xoş təəssüratlar yaratdı.

Bu sözləri Bakıda keçirilən Birinci Beynəlxalq Gələcək Forumunda iştirak edən UNESCO-nun nümayəndəsi Rayl Miller AzərTAc-a müsahibəsində demişdir.

Forumun əhəmiyyətinə toxunan R.Miller bildirmişdir: “Hiss edirəm ki, Azərbaycan yeni ideyalara, əməkdaşlığa  açıq bir ölkədir. Burada birgə düşünməyə və problemlərin həlli üçün səy göstərməyə böyük maraq vardır. Bu gün burada Azərbaycanın enerji və qeyri-neft sektorunda əldə edilmiş uğurları barədə müzakirələr apardıq, müasir texnologiyalarla bağlı, eləcə də əməkdaşlığın perspektivlərinə dair fikir mübadiləsi apardıq. İnanıram ki, Bakı Forumunda müsbət nəticələr əldə olunacaqdır”.