Ümumdünya Mədəniyyətlərarası Dialoq Forumu ideyasının Azərbaycanda yaranması və reallaşması bu ölkənin tolerantlığına əyani sübutdur.

Bu sözləri Bakıda keçirilən İkinci Ümumdünya Mədəniyyətlərarası Dialoq Forumunun iştirakçısı, Beynəlxalq Valyuta Fondunun sabiq iqtisadçısı Rabah Ghezali AzərTAc-a müsahibəsində söyləmişdir.

Qonaq bildirmişdir ki, bu cür yüksək səviyyəli forumlar dünyanın ayrı-ayrı ölkələrinə bir-biri ilə müxtəlif sahələrdə qarşılıqlı əməkdaşlıq əlaqələri qurmaq imkanı yaradır, mədəniyyətlərarası dialoqun təbliğində mühüm rol oynayır.

Forumda iştirakından və Azərbaycana səfərindən məmnunluğunu bildirən qonaq Bakıda ilk dəfə olduğunu söyləmiş və paytaxtımızın gözəlliyinə heyran qaldığını vurğulamışdır.