Azərbaycanda xalqın rifah halı xeyli yüksəlmişdir. Bunu Bakıda keçirilən Birinci Cənubi Qafqaz Forumunun iştirakçısı, UNESCO-nun sabiq direktoru Federiko Mayor Zaragoza AzərTAc-a müsahibəsində demişdir.

 Bakıda sonuncu dəfə 1996-cı ildə olduğunu xatırladan qonaq ölkəmizin sürətlə inkişaf etdiyini və çox dəyişikliklərin şahidi olduğunu vurğulamışdır. Bu onu göstərir ki, Azərbaycan doğru yoldadır.

Forumun əhəmiyyətinə toxunan F.Zaragoza tədbirdə bütün dünyanı maraqlandıran mövzuların müzakirə olunduğunu qeyd etmişdir. O bildirmişdir ki, bu tədbir təcrübəli insanların fikirlərini bölüşməsi, bəşəriyyətin inkişafı naminə yeni fikirlərin irəli sürülməsi üçün münbit şərait yaratmışdır.