Bu sözləri noyabrın 23-də TQDK-nın yaradılmasının 20 illiyinə həsr olunmuş "Tələbə Qəbulu üzrə Dövlət Komissiyası - 20 il: inkişaf mərhələləri" mövzusunda Beynəlxalq konfransda iştirak edən Türkiyənin Tələbə Seçmə və Yerləşdirmə Mərkəzinin (TSYM) sədri Əli Dəmir jurnalistlərə müsahibəsində demişdir.
Bildirmişdir ki, Türkiyə nümayəndə heyəti olaraq qardaş qurum TQDK-nın 20 illiyində iştirak etməkdən böyük şərəf və məmnunluq hissi keçirir. Uzun illərdir ki, TQDK ilə əməkdaşlıq etdiklərini vurğulayan A.Dəmir bu işbirliyinin hər iki ölkənin təhsil sistemindəki inkişaf baxımından əhəmiyyətli olduğunu diqqətə çatdırmışdır. TQDK-nın inkişafını və gördüyü işləri yüksək qiymətləndirən A.Dəmir qeyd etmişdir ki, təqdirəlayiq haldır ki TQDK artıq təcrübəsini başqa ölkələrin də qurumları ilə bölüşür və onlara müsbət mənada təsir edir.