AzərTAc xəbər verir ki, bu sözləri oktyabrın 23-də Bakıda keçirilən "İnnovasiya texnologiyalarının transferi: marketinq və müqavilələrin bağlanması" mövzusunda beynəlxalq seminarda iştirak edən İsrail Açıq Universitetinin professoru Hagit Messer Yaron söyləmişdir.
Belə görüşlərin vacibliyini vurğulayan H.M.Yaron bildirmişdir ki, seminar həm Azərbaycan, həm də iştirakçılar üçün çox faydalı və böyük əhəmiyyətə malik olan bir tədbirdir. Ən əsası da odur ki, ölkələrimizin elmi müəssisələri arasında əlaqələr qurulacaq və təcrübə mübadiləsi aparılacaqdır.
Azərbaycana ilk dəfə 2 il bundan əvvəl gəldiyini vurğulayan H.M.Yaron buradakı inkişaf prosesinin çox uğurla həyata keçirildiyini qeyd etmişdir.
Bildirmişdir ki, Azərbaycan liderliyi qazanmış bir ölkədir. Bakının çox qədim şəhər olduğunu və paytaxtımızı çox sevdiyini diqqətə çatdıran professor, bu şəhərə bir daha gəlmək arzusunda olduğunu demişdir.