Bakı Beynəlxalq Humanitar Forumunun Azərbaycan Prezidenti İlham Əliyevin himayəsi altında keçirilməsi onun əhəmiyyətini daha da artırır. 
Bu fikirləri Humanitar Forumda iştirak etmək üçün Bakıda səfərdə olan Beynəlxalq Təhlükəsizlik üzrə Elmi Forumun professoru Rau Yohannes AzərTAc-a müsahibəsində söyləmişdir.
Azərbaycanın çox vacib coğrafi məkanda yerləşdiyini deyən R.Yohannes qeyd etmişdir ki, Bakı kimi mədəniyyətlərin qovuşduğu bir şəhərdə belə tədbirlərin keçirilməsi insanların yaxınlaşmasında mühüm əhəmiyyətə malikdir.
Humanitar Forumun keçirilməsini yüksək qiymətləndirdiyini bildirən professor diqqətə çatdırmışdır ki, bu beynəlxalq tədbir müxtəlif ölkələrdən olan insanların bir araya gələrək onları narahat edən məsələləri müzakirə etmək üçün əvəzsiz platformadır.