"YARAT!" qeyri-kommersiya təşkilatının birinci "012 Bakı Public Art Festivalı" çərçivəsində təqdim edilən layihə Xəzər dənizinə həsr olunmuşdur.
Bu sözləri "YARAT!" qeyri-kommersiya təşkilatının festivala təqdim olunan "Xəzər" əsərinin müəllifi Nəzrin Məmmədova AzərTAc-a müsahibəsində demişdir.
Bildirmişdir ki, nümayiş olunan akvarium dənizin suyu ilə doldurulmuşdur. N.Məmmədova əsərində iki mövzunu qeyd etdiyini diqqətə çatdırmışdır. Birincisi dənizin səviyyəsinin azalmasıdır. Dövrümüzə gəlib çatmış söhbətlərdən, əfsanələrdən dənizin böyük bir ərazini, bu gün çiçəklənən şəhərin müəyyən hissəsini əhatə etdiyi anlaşılır. İnstallyasiyanı Xəzər dənizinə abidə kimi həsr etdiyini söyləyən N.Məmmədova ikinci mövzunun dənizin ekologiyası ilə bağlı olduğunu bildirmişdir. Bununla da bütün gənclərin diqqətini dənizin təmiz saxlanmasının vacibliyinə yönəltməyə çalışmışdır. Rəssam bildirmişdir ki, Xəzər həqiqətən də bizim qürurumuzdur.