Azərbaycan-Belçika parlamentlərarası əlaqələr üzrə işçi qrupu Xocalı soyqırımı məsələsinin Belçika parlamentində müzakirə olunması ilə bağlı iş aparır. 
Bu sözləri jurnalistlərə Azərbaycan-Belçika parlamentlərarası əlaqələr üzrə işçi qrupunun və ölkəmizin Avronest Parlament Assambleyasında nümayəndə heyətinin rəhbəri Elxan Süleymanov demişdir.
E.Süleymanov bildirmişdir ki, bu, 2012-ci il üçün işçi qrupunun müəyyənləşdirdiyi plana əsasən həyata keçiriləcəkdir. Bundan əlavə, işçi qrupunun planına Azərbaycan haqqında məlumatların Belçika televiziyasında yayılması, iki ölkənin universitetləri arasında tələbə mübadiləsinin aparılması və digər məsələlər də daxildir.
AzərTAc