Qəbələ II Beynəlxalq İncəsənət Sərgisində iştirak edən almaniyalı rəssam Maria Dierker sərginin çox yüksək səviyyədə təşkil edildiyini bildirmişdir:
"Bu sərgidə ilk dəfədir iştirak edirəm. Düzünü deyim ki, Qəbələ sərgisinin bu qədər yüksək səviyyəli bir tədbir olduğunu bilmirdim. Burada dünyanın önəmli rəssamları ilə bir araya gələrək əsərləri nümayiş etdirmək şərəflidir. Burada iştirakımdan məmnunam. Sərgidə bu qədər insanın iştirak etməsi böyük uğurdur.
Qəbələ paytaxtdan uzaqda yerləşsə də bu gözəl sənət əsərləri ilə tanış olmaq üçün bura xeyli sayda qonaq qatılmışdır. Bu da heç şübhəsiz ki, sərginin yüksək səviyyədə təşkilinin və keyfiyyətinin göstəricisidir".