Rusiyanın tanınmış rəssamı Yuri Nikiforov müsahibəsində demişdir: "Azərbaycana ilk səfərim olmasa da, Qəbələdəki beynəlxalq incəsənət sərgisində birinci dəfədir iştirak edirəm.
Gözəl təbiət qoynunda yerləşən Qəbələdə keçirilən bu sərginin böyük potensialı var, onu parlaq gələcək gözləyir. Sərginin təməli yaxşı qoyulub, indi isə onu inkişaf etdirmək lazımdır.
Özünüz də görürsünüz ki, ötən 2 ildə böyük uğurlar əldə olunmuşdur. Mənim hər birinə min manat qiymət qoyulan və satışa çıxarılan "Yapon bağı" və "Cənubi Almaniyada qar" rəsm əsərlərim burada sərgilənir. Rusiyadan Vasili Mezerin, Anna Nikiforovanın, Dmitri Sandjiyevin, Anatoli Silovun, Aleksandr Tixomirovun qiyməti 3 min manata olan dəyərli əsərləri nümayiş olunur.
Böyük məmnuniyyətlə, növbəti ildə də bu sərgiyə dəvət alıb iştirak edərdim".
AzərTAc