Azərbaycan Avropa İttifaqı (Aİ) ilə sadələşdirilmiş viza sisteminin tətbiqinə dair sazişin imzalanacağına ümid edir. 
Azərbaycan xarici işlər nazirinin müavini Mahmud Məmmədquliyev bu barədə jurnalistlərə məlumat verərək qeyd etmişdir ki, Azərbaycan sadələşdirilmiş viza sisteminin tətbiqinə dair sazişin imzalanması məsələsində gözləmə mövqeyi tutur. Bununla əlaqədar layihə Avropa Komissiyası tərəfindən Aİ Şurasına təqdim edilmişdir. Onlar hesab edirlər ki, bu istiqamətdə Azərbaycanla danışıqlara başlamaq olar. Bu məsələyə Şura tərəfindən artıq baxılmalı idi.
Nazir müavini daha sonra bildirmişdir ki, sadələşdirilmiş viza sisteminin tətbiqinə dair sənəd yaxın aylarda imzalana bilər. O demişdir: "Avropadakı tərəfdaşlarımızın fikrincə, bu məsələ cari ilin sonunda və ya 2012-ci ilin əvvəlində həll edilə bilər".