"Mən çox fəxr edirəm ki, beynəlxalq layihə üçün məhz Həştərxan şəhərində, Bakı küçəsində yerləşən 11 nömrəli orta məktəb seçilmişdir. Bu layihənin həyata keçirilməsi Rusiya və Azərbaycan arasında münasibətləri daha da möhkəmləndirəcəkdir".
Bu sözləri Həştərxandakı Heydər Əliyev adına orta məktəbin direktoru Tatyana Tixomirova söyləmişdir.
O demişdir: "Məktəbimizin gələn il 75 yaşı tamam olur və məktəb binasının əsaslı surətdə yenidən qurulması onun üçün əsl hədiyyə olmuşdur. Belə düşünürəm ki, təhsilin səviyyəsini yüksəltməklə, gələcək nəsli Azərbaycan xalqına dostluq ruhunda yetişdirməklə Azərbaycan Respublikasının bu məktəbə yatırdığı böyük vəsaiti doğrultmağa və artırmağa çalışacağıq".

AzərTAc