İlk dəfədir Bakıya səfər edirəm. Şəhərdə gəzərkən paytaxtda yaradılmış səliqə-səhmana heyran qaldım. Aparılmış işlər göstərir ki, ölkənizdə çox böyük inkişaf var və burada mühüm iqtisadi layihələr həyata keçirilir. Bütün bunlar Azərbaycanın uğurlu gələcəyindən xəbər verir.
Bu fikirləri Azərbaycan dövlət müstəqilliyinin bərpa edilməsinin iyirminci ildönümünə həsr olunmuş Beynəlxalq bayram tədbirində iştirak edən mərakeşli diplomat Abdulla Misahi demişdir.
Azərbaycanın inkişafında neft amilinə toxunan qonaq bildirmişdir ki, bu ehtiyatlardan səmərəli istifadə olunması başlıca məsələdir. Azərbaycanın inkişafında da biz məhz bunu görürük.