Azərbaycan xalqı öz ölkəsi və Prezidenti ilə fəxr etməlidir.Bu sözləri Azərbaycanın dövlət müstəqilliyinin bərpa edilməsinin iyirminci ildönümünə həsr olunmuş Beynəlxalq bayram tədbirində iştirak edən "LKQ" şirkətinin amerikalı vitze-prezidenti xanım Eileen A.Sottile müsahibəsində demişdir.
İlk dəfədir ki, Azərbaycanda səfərdəyəm. Gəldiyim gündən gözəl ölkəniz, paytaxtınız və gülərüz xalqınız məndə xoş təəssürat yaratmışdır, - deyən amerikalı qonaq vurğulamışdır ki, Azərbaycanın sosial-iqtisadi inkişafı ilə bağlı görülən işlər valehedicidir.
Bakıda gördüklərindən heyran qaldığını bildirən E.A.Sottile gündən-günə gözəlləşən Azərbaycanın zəngin mədəni irsi, dinamik iqtisadi inkişafı, turizm potensialı ilə bağlı məlumatların bütün dünyada yayılmasının vacibliyini qeyd etmişdir.