Bu sözləri Dünya Azərbaycanlılarının III Qurultayının nümayəndəsi, Rusiyanın İTAR-TASS agentliyi baş direktorunun birinci müavini Mixail Qusman müsahibəsində demişdir.
M.Qusman bildirmişdir ki, ayrı-ayrı ölkələrdə fəaliyyət göstərən Azərbaycan diaspor təşkilatlarının bir yerə toplanmaları işgüzar fikir mübadiləsinin aparılması üçün əla fürsətdir. Hesab edirəm ki, bu qurultay xarici ölkələrdə fəaliyyət göstərən Azərbaycan diaspor təşkilatlarının mövcud problemlərinin həllinə yardımçı olacaqdır. Bu baxımdan diaspor təşkilatları təmsilçilərinin və dünyada nüfuz sahibi olan azərbaycanlıların Bakıda bir araya gəlməsi Azərbaycan üçün çox mühüm hadisədir. Bizim, köhnə bakılıların doğma Vətənimiz olan Azərbaycanın paytaxtında yenidən görüşməyimiz bu mötəbər tədbirə daha bir gözəllik əlavə edir.

AzərTAc