Dünya Azərbaycanlılarının III Qurultayını təşkil etdiyinə görə Azərbaycan dövlətinə minnətdarlığımızı bildiririk.  
Bu sözləri AzərTAc-a müsahibəsində Dünya Azərbaycanlılarının III Qurultayının nümayəndəsi, Azərbaycan-Amerika Cəmiyyətinin prezidenti Tomris Azəri demişdir.
T. Azəri bildirmişdir ki, III qurultayda ABŞ-dakı Azərbaycan diaspor təşkilatının rəhbəri kimi iştirak edirəm. Dostlarım, bərabər işlədiyim diaspor təşkilatlarının nümayəndələri buradadır və onlarla görüşmək imkanı əldə etmişəm. Çox şadam, sevinirəm ki, öz Vətənimdə, doğma Azərbaycanımdayam. Bu tədbir dünya ölkələrindəki Azərbaycan diaspor təşkilatlarının təmsilçilərini tarixi Vətənimizdə bir araya gətirməkdə çox əhəmiyyətli bir hadisədir. Bu tədbiri təşkil edən hər kəsə minnətdarlığımı bildirirəm.