Biz Dağlıq Qarabağ münaqişəsinə dair BMT qətnamələrinin icrasına töhfələr verməyə çalışacağıq.
Bu sözləri jurnalistlərə müsahibəsində ölkəmizdə səfərdə olan Britaniya-Azərbaycan parlament qrupunun sədri Mark Field demişdir.
Mark Field səfər çərçivəsində məcburi köçkünlərin həyat şəraiti ilə tanış olduqlarını, cəbhə xəttindəki yaşayış məntəqələrinə səfər etdiklərini demişdir: "Biz böyük vədlər verə bilmərik. Cəbhəyə yaxın kəndlərdə məcburi köçkünlərlə görüşdük, insanları dinlədik və onların problemlərini başa düşdük. Bizə məlum oldu ki, BMT-nin Təhlükəsizlik Şurası tərəfindən qəbul olunmuş 4 qətnamə 19 ildir ki, öz icrasını tapmamışdır. Çalışacağıq ki, yollar axtaraq, həmin qətnamələrin icrasına töhfələr verək".

AzərTAc