Baş menecer Manuel Avila müsahibimizdir

- Təyinat haqqında eşidəndə ilk reaksiyanız necə oldu? Bu təyinatdan əvvəl Azərbaycan haqda nələri eşitmişdiniz?
- Dəqiq desəm, mənim bu ölkə haqqında geniş məlumatım yox idi. Mən bura 2010-ci ilin noyabr ayının axırı gəlmişəm, oteli və şəhəri görəndən sonra duşünmədən öz razılığımı verdim. Şəhər və otel mənim çox xoşuma gəldi. Azərbaycan, həqiqətən, yaşamaq və biznes qurmaq üçün pozitiv və işıqlı olması haqda fikirləri doğruldur.
- 2011-ci il ölkə Prezidenti tərəfindən Azərbaycanda turizm ili elan edildi. Bununla əlaqədar bilmək istərdik, "Hilton"un töhfələri nə olacaq?
- Biz 2011-ci ilin sentyabr ayında "Hilton Bakı"nı açacağımıza və şəhərə gələn qonaqlar üçün yüksək keyfiyyətli hotel xidməti təklif edəcəyimizə ümid edirik. Hotelimizdə istirahət və biznes məqsədi üçün təşrif buyuran yerli və beynəlxalq qonaqları qarşılayacağıq və ümid edirik ki, beynəlxalq aləmdə tanınan brendimiz və yüksək keyfiyyətli hotel xidmətlərimiz sayəsində Azərbaycana daha çox qonaq cəlb edə biləcəyik.
- "Hilton" Azərbaycanda 5 ulduzlu hotel olmağa hazırlaşır. "Hilton" niyə məhz Azərbaycanı seçdi?
- Biz bilirik ki, Azərbaycanda beynəlxalq miqyasda tanınan brendlər, həmçinin yüksək keyfiyyətli hotel xidməti yox dərəcəsindədir. Bizim bu ölkədə ilk əmlakımız hesab ediləcək "Hilton Bakı" bu paytaxt şəhərində bir sıra yüksək tələblərə cavab verəcəkdir. Bu sirr deyil ki, Azərbaycan yuksək sürətlə inkişaf edən ölkədir və zəngin neftə və qaza, o cümlədən yüksək mədəniyyətə sahibdir. Bizim "Hilton" ailəsi də cox inanır ki, bu ölkə ilə bizə böyük uğurlara imza atacaq, biz Azərbaycanda hotel inkişafı üçün gələcək imkanları görürük.
- "Hilton" Azərbaycanda çox tanınır. Iş imkanları üçün insanlar hara və kimə müraciət edə bilərlər?
- www.careersatHilton.com internet saytına nəzər sala və ya hotelin ünvanına tərcümeyi hal (CV) göndərə bilərlər: "Hilton Bakı", Azadlıq prospekti 1, AZ-1000, Bakı, Azərbaycan
- "Hilton" Azərbaycanda hoteldən başqa iş görməyi nəzərdə tuturmu?
- "Hilton Worldwide" artımın mühüm mərhələsindədir və biz Mərkəzi Asiyada işlədiyimiz müxtəlif brendlərlə tanış etmək üçün çox məkan axtarırıq. Azərbaycan bizim diqqətimizi çəkən belə məkanlardan oldu və ilkin mərhələdə hələ heç nəyin təsdiq edilmədiyinə baxmayaraq, biz regionda işlərlə əlaqədar danışıqlar aparırıq.
- Azərbaycanda kadr seçimi ilə bağlı nə düşünürsünüz? Sizcə, Azərbaycanda işə qəbul edə biləcəyiniz kifayət qədər səriştəli kadr varmı?
- "Hilton Bakı"nı açmazdan əvvəl apardığımız 6 aylıq araşdırma hotel üçün kifayət qədər yaxşı müddətdir. Biz, qarşılıqlı aktiv şəkildə yeni hotelimizdə çox sayda müxtəlif vəzifələrdə çalışa biləcək yüksək motivasiyalı və səriştəli şəxslər axtarırıq.
Hotel Bakıda ən aparıcı tam xidmət hotellərindən biri olmaqla yanaşı "Hilton Worldwide"-ın Azərbaycanda ilk hoteli olacaqdır. Bunu nəzərə alaraq düşünürük ki, hotelin açılması qlobal şirkətimizdə karyeraya başlamaq üçün yerli əhaliyə əvəzedilməz imkan yaradacaqdır. Kadrların hazırlanması və təkmilləşdirilməsi əsas amalımızdır. Müxtəlif təcrübə səviyyəsinə malik kadrları müxtəliv səviyyəli işlərə təyin etməyi nəzərdə tutmuşuq. Eyni zamanda, mütəxəssis təcrübəsi tələb olunan əsas vəzifələr üçün az sayda mühacirlər də seçmək niyyətindəyik. Bunun "Hilton Worldwide", onun səhmdarları və Bakı üçün də uğurlu seçim olacağına inanırıq.
Biz qlobal şirkət kimi karyeranın inkişaf etdirilməsi üçün fantastik imkanlar, əla mənfəət, peşəkar və əyləncəli iş mühiti təklif edirik. İnanırıq ki, dünya miqyaslı təlimlər hazırlıq və Azərbaycan əhalisi üçün mühüm iş imkanları təmin etməklə, yerli bazarda və regionda hotel üçün yeni komanda üzvləri seçə biləcəyik.