Azərbaycandakı sabitliyə, inkişafa, beynəlxalq aləmdəki reytinq və nüfuzumuza qənim kəsilən xarici qüvvələrin daxildəki səbatsız insanların əli ilə törətdiyi növbəti terror, təxribat hadisəsi hamını ciddi şəkildə narahat etdi. Nifrətimiz böyük, ümummilli amallar ətrafında birləşmək istəyimiz isə ondan da böyükdür. Allah şəhid olan polislərimizə rəhmət eləsin!

 

 Qarşıdurmaya çağıranlar, Vətənimizi qanla çalxalamaq istəyənlərin dəyirmanına su tökənlər, xurafat və cəhalətin əsiri olanları qəhrəmana çevirənlər, qisas hissi ilə alışıb yananlar, sevinənlər! Durun, dayanın! Xalq siz deyilsiniz! Xalq bu təhlükəni duyan, hiss edən, dövlətimizə qarşı namərd hücumların mahiyyətini anlayan insanlardır! Onlar çoxdurlar! Lap çox! İndi təmkinli dayansalar da, namərdlərə, kürəyə bıçaq saplayanlara layiqli cavab verəcəklər! 

İctimai fikir və çoxluq xalqın müdrik kəsimindədir! Və bu çoxluq indi dinməli, səsini qaldırmalı, Vətənimizi qana sürükləyən bir ovuc xainə qarşı kəskin münasibətini ortaya qoymalıdır!

Rəşad MƏCİD, 

Azərbaycan Yazıçılar Birliyinin katibi, 

“525-ci qəzet”in baş redaktoru, Əməkdar jurnalist