11 apreldə Azərbaycanda keçirilən prezident seçkilərini müşahidə edən  beynəlxalq müşahidəçilər bu fikirdədirlər ki, ölkəmizdə seçkilər yüksək səviyyədə təşkil olunub.

Qırğızıstan Mərkəzi Seçki Komissiyasının üzvü Abdıcabar Bekmatov:

– 11 aprel xalqınız üçün əhəmiyyətli gündür. Beynəlxalq müşahidəçi kimi seçki prosesini izlədik. Səhər saatlarından məntəqələrdə olmuşam. Səsvermə üçün lazımi şərait yaradılmışdı. Bülletenlər standartlara uyğun idi. Məntəqələrdə yerli müşahidəçilər də səsvermənin gedişini izləyirdilər. Heç bir kənar müdaxilə olmadı.

Slovakiya parlamentinin üzvü Marsek Peter:

– Seçkilər yüksək səviyyədə keçirildi. Məntəqələrdə səs vermək üçün növbələr yarandığının şahidi olduq, heç bir qanun pozuntusu ilə rastlaşmadıq.

Ülviyyə VAHİDQIZI,
“Xalq qəzeti”