İndiyədək səsvermə prosesində hər hansı qanun pozuntusu qeydə almamışıq. Seçicilərin fəallığı xüsusi diqqət çəkir.

AZƏRTAC xəbər verir ki, bu fikirləri Azərbaycanda prezident seçkilərini müşahidə edən Qazaxıstan Parlamenti Məclisinin üzvü Məhərrəm Məhərrəmov söyləyib.

O deyib: “Azərbaycanda yüksək seçki mədəniyyəti formalaşıb. Seçicilərin fəal şəkildə məntəqələrə gəlməsi, növbə ilə səsvermə hüquqlarından istifadə etməsi və bütün bu prosesin sakit formada həyata keçirilməsi diqqət çəkir. Heç bir ajiotaj, narahatlıq yoxdur. Hər şey normal şəraitdə davam edir”.

Qazaxıstanlı deputat Azərbaycanda prezident seçkilərinin beynəlxalq normalara uyğun keçirildiyini vurğulayıb.