Səhiyyə müəssisələrində əhalinin tibbi müayinəsi uğurla davam etdrilir. Bu istiqamətdə zəruri tədbirlər Abşeron rayonunda da uğurla həyata keçirilir. Burada mütəxəssislər tərəfindən müayinələr xəstəxana ilə yanaşı birbaşa yerlərdə, ambulator məntəqələrdə aparılır. Səhiyyə Nazirliyinin mətbuat xidməti bu barədə məlumat verib.

     Məlumatda deyilir ki, növbəti tədbir Ceyranbatan həkim məntəqəsində keçirilib. Qastroenteroloq Ülviyyə Quliyeva “Helibacter pylori, qastritin səbəbləri”, oftalmoloq Vüsalə Ələkbərova “Diabetik retinopatiya və Quru göz sindromu”, həkim-laborant Şəfa Süleymanova “Laborator müayinələrin əsası və vacibliyi “ haqqında əhaliyə geniş məlumat veriblər.

        “Helibacter pylori” infeksiyası bəzən fərqinə varmadığımız qastritdən başlamış mədə xərçənginə qədər yol aça bilər. HP yoluxma yolları əsasən hava-damcı vasitəsilə baş verir. HP müşahidə edilən xəstələrdə köpmə, mədədə qida qəbulundan sonra ağırlıq hissi, gəyirmə, bəzən isə gecə ağrıları olur. Əgər bu şikayətlər sizdə müşahidə olunarsa, həkimə müraciət etməyiniz mütləqdir. 

Z. BƏŞİRQIZI,
“Xalq qəzeti”