ATU-nun İctimai sağlamlıq və səhiyyənin təşkili kafedrasında “Fulbright” proqramı çərçivəsində “İnfeksion xəstəliklərin epidemioloji analizi və sübuta əsaslanmış təbabət” mövzusunda seminar keçirilib. 

         Mühazirəni Marat Ospanov adına Qərbi Qazaxıstan Dövlət Tibb Universitetinin bir qrup magistrantları qarşısında Amerikanın Viskonsin Lakers Universitetinin professoru, doktor Robert Ceklin oxuyub. Onun mühazirəsi magistrantlar tərəfindən maraqla qarşılanıb. 

      Seminarda Amerika, Azərbaycan, Qazaxıstan səhiyyəsinin təşkili, problemləri, gələcək perspektivlər və digər məsələlərlə bağlı məlumatlar müzakirə olunub. 

          Qeyd edək ki, qazaxıstanlı magistrantlar universitetlərarası anlaşmaya əsasən hər gün müxtəlif kafedralarda təşkil edilmiş elmi seminarlarda iştirak edirlər.

   Zərifə BƏŞİRQIZI,
“Xalq qəzeti”