Yüksək arterial təzyiq insan səhhətində bir çox ağır pozulmalara-- infarkt, insult, böyrək və göz xəstəlikləri və s.problemlərə  iz açan ilk səbəblərindən biridir. Təzyiqi daim normada saxlamaq həyati vacib məsələdir.

     Argentina alimləri sübut ediblər ki, yüksək təzyiqdən əziyyət çəkənlər sadəcə şam yeməyindən imtina etməklə təzyiqi normaya sala bilərlər.

      Sağlamolun.az xəbər verir ki, alimlər bununla bağlı xüsusi eksperiment aparıblar. Eksperimentdə yüksək arterial təzyiqdən əziyyət çəkən 150 insan iştirak edib. İştirakçılar axşam saatlarında yemək yeməyiblər və həmçinin maye qəbulunu azaldıblar. Artıq bir neçə gündən sonra iştirakçıların təzyiq göstəriciləri normallaşmağa başlayıb, onların ümumi vəziyyəti yaxşılaşıb.

       Alimlərin fikrinə görə, şam yeməyindən imtina, duz qəbulunun məhdudlaşdırılması və aktiv həyat tərzi insanlara təzyiqi normada saxlamağa kömək edən başlıca amillərdir.

Zərifə BƏŞİRQIZI,
“Xalq qəzeti”