Strateq.az saytının yazdığına görə, İngiltərədə nəşr olunan “The Times” qəzetinin müxbiri Oliver Mudin bildirib ki, kiçik heyvanlar üzərində sınaqlar aparılıb və bu üsulun heç bir zərərli yan təsiri aşkarlanmayıb.

        “Nature Biotechnology” jurnalının bildirdiyinə görə, siçanlar üzərindəki sınaqlarda mikroskopik DNT robotlarının şişləri kiçiltdiyi müəyyən edilib.

      Araşdırmanı icra edən Arizona Dövlət Universitetinin professoru Hao Yan deyib: “Bu texnologiyanın həyata keçirilməsinə çox yaxınıq. Bu nanorobotlar kiçik ölçüləri sayəsində damarlarda asanlıqla gəzir və sağlam hüceyrələrdə nadir hallarda rast gəlinən xərçəng hüceyrələri bəsləyən damarları tıxayaraq şişə qan axmasını əngəlləyir.

Zərifə BƏŞİRQIZI,
“Xalq qəzeti”