Qәlbimiz sevincdәn çırpına bilәr, hәtta kәdәrdәn, hiss hәyәcandan da. Amma müәyyәn bir müddәtә. Bәzәn sakitlikdә istirahәt etdiyimiz anlarda ürәyimiz döyünәr, bizi şübhәyә salar. "Avrasiya" hospitalının tәşәbbüsü ilә keçirilәn kardioloqların toplantısı belә hallarda müraciәt edәcәyimiz ünvanları açıqlayıb.

 Burada keçirilәn maariflәndirici tәdbirә respublikanın müxtәlif bölgәlәrindәn 200 nәfәrdәn çox kardioloq vә terapevt qatılıb. Media işçilәrinin dә marağını çәkәn konfransda Türkiyәnin Gülhanә Tibb Akademiyasının professoru Ata Kırılmaz, Avrasiya hospitalının kardioloqu Rasim Cәfәrov, aritmoloq Günay Rәhimova mәdәcik taxikardiyasına müasir yanaşma, ürəyin işemik xəstəlikləri, erkən və qəfil ölüm hallarının səbəblərindən danışmış, icra olunan əməliyyatlardan konkret misallar çəkmiş, həmçinin mәdәcik ektrasistoliyası ablasiyası olunmuş xәstәlәrin hәyatının uğurlu davamından da bəhs etmişlər.

 Avrasiya hospitalında 2 il әvvәl yaradılmış aritmologiya mәrkәzinin fәaliyyәtinin gәlәcәkdә daha da genişlәndirilәcәyi bildirilmişdir. Çıxış edәnlәr konfrans iştirakçılarının suallarını cavablandırmışlar.

 Qabil ƏLİYEV,
“Xalq qəzeti”