{nl}

Akademik Zərifə Əliyeva adına Milli Oftalmologiya Mərkəzində gənc alimlərin "Oftalmologiyanın müasir aspektləri" mövzusunda IV elmi konfransı keçirilmişdir.
Konfransda 40 yaşa qədər yerli gənc mütəxəssis və alimlə yanaşı, türk mütəxəssislər də iştirak etmişlər.
Milli Oftalmologiya Mərkəzinin direktoru Elmar Qasımov tədbirin əhəmiyyətindən danışmışdır. Son dövrlərdə Azərbaycanda səhiyyənin hər sahəsində olduğu kimi, oftalmologiya sahəsində də əldə edilmiş uğurlar haqqında məlumat vermişdir. Bildirmişdir ki, Azərbaycanda oftalmologiya elmi sürətlə inkişaf edir. Gənc həkimlərimiz dünyada tətbiq olunan yeniliklərlə daim maraqlanır, beynəlxalq tədbirlərdə fəal iştirak edirlər.
Konfransda oftalmologiya sahəsində tətbiq edilən yeniliklər, göz xəstəliklərinin diaqnostikası və müalicəsinə həsr edilmiş məruzələr dinlənilmiş, mövzu ilə bağlı müzakirələr olmuş, yerli və xarici mütəxəssislərin iştirakı ilə canlı cərrahiyyə əməliyyatı göstərilmişdir.
Konfransın materialları toplu şəklində nəşr olunmuşdur.