Azərbaycan səhiyyə naziri Oqtay Şirəliyev Polşanın səhiyyə nazirinin müavini A.Froncakın başçılıq etdiyi nümayəndə heyəti ilə görüşmüşdür.
O.Şirəliyev ölkələrimiz arasında bir çox sahələrdə olduğu kimi, səhiyyə sahəsində də sıx əməkdaşlığın mövcudluğundan, birgə layihələrin uğurundan söz açmışdır. Nazir ölkə başçısının səhiyyə sektoruna olan diqqət və qayğısı sayəsində son illər görülən işlər, aparılan islahatlar, əldə olunan nailiyyətlər, qoyulan investisiyalar nəticəsində istifadəyə verilmiş tibb müəssisələri haqqında qonağa məlumat vermişdir.
Görüşdə iki ölkə arasında səhiyyə və tibb elmi sahəsində əməkdaşlıq, tərəflər arasında kadr hazırlığına dair məsələlər müzakirə edilmişdir.
Səmimi qarşılanmaya görə minnətdarlığını bildirən qonaq səhiyyənin bütün sahələrində əməkdaşlığa hazır olduqlarını qeyd etmişdir.
AzərTAc{nl}