Mərkəzi Gömrük Hospitalında (MGH) Azərbaycanda ilk laparoskopik uroloji əməliyyat keçirilmişdir.
Əməliyyatı Fransada 5 illik iş təcrübəsi keçmiş MGH-nin urologiya şöbəsinin rəisi Araz Bayramov reallaşdırmışdır.
Hospitaldan verilən məlumata görə, cərrahi müdaxilənin prinsipi mini invaziv laparoskopik yolla xəstədə böyrək daşının çıxarılması və laparoskopik pieloplastikanın aparılmasından ibarətdir.
Qeyd edək ki, MGH-nin urologiya şöbəsində yeni texnologiyanın tətbiqi nəticəsində böyrəklərdə, prostat vəzisi və sidik kisəsində aparılacaq əməliyyatların böyük əksəriyyəti laparoskopik və endoskopik mini invaziv yolla həyata keçiriləcəkdir.
Eyni zamanda, burada böyrək transplantasiyasının tətbiqi də nəzərdə tutulur.
AzərTAc{nl}